News

Energie [light] reloaded – Notzt elo eist Material

eLight_finalDen Erfollegsprojet Energie [light] vun der Emweltberodung Lëtzebuerg (EBL) an dem Klima-Bündnis Lëtzebuerg (KB Lëtz) ass zeréck! Säit der leschter Editioun am Joer 2011 huet sech vill gedoen, mee och haut nach spillt den Ëmgang mat der Energie eng Schlësselroll an der nohalteger Entwécklung, virun allem am Klimaschutz.

Duerch de Klimapakt hu sech fir d’Gemenge nei Perspektiven a Méiglechkeeten erginn. Ee vun deene wichtegste Faktore bleift awer weiderhin vernoléissegt:

De Mënsch a säi Verhalen als Energienotzer!

Ouni grouss Investissementer kann, duerch d’Notzerverhalen, den Energieverbrauch bis zu 15% reduzéiert ginn.  D’Gemenge bei dëser Demarche ze ënnerstëtzten ass Ziel vum Projet “Energie[light] reloaded”!

Am Dezember 2017 ass de Projet mat 10 Gemengen ugelaf : ​ Betzder, Contern,  Esch-Uelzecht, Hesper, Jonglënster, Keel, Miersch, Suessem, Steesel, Walfer
Déi Gemengen, déi dëst Joer net mat dobäi sinn, kënnen eis Informatiounsmaterial awer notzen. Méi Informatiounen iwwert de Projet an d’Informatiounsmaterial fir är Mataarbechter ze sensibiliséiere fannt dir um Site vum Projet: www.energielight.lu